Meri Chaand-Raat Ki Subah - XIV

WARNING
Readers/Visitors, This is an adult gay site and you may find things here which may not appear proper to you, therfore you are requested not to proceed further if you feel offended by gay sex. The stories here are purely fictional and any resemblance is purely incidental.



agale din ham donon ne apani naukariyaan chhod deen.

mujhe to usake saath rahanaa thaa. mainne sochaa ki main usi shahar mein koi naukari dhoondh loongaa.

jis shahar ko main hameshaa ke liye alwidaa bol chukaa thaa, main
wahin basane waapas pahunchaa.

ham ek hotel mein thahare. pahale to teen-chaar property brokers ko apani equirements bataaee aur kuchh options dikhaane ko kahaa.

hamane ek car rent kari, aur main tabbu ko apanaa hostel aur apanaa BE waalaa college dikhaane le gayaa.

shaam ko tabbu ne kahaa, "bhayya ke makaan maalik ne itanaa sab kiyaa thaa, abhi bhi phone par baat hoti rahati hai. chal unase mil aate hain."

meri phat gayi.

ham donon mere chaand ke ghar gaye.

uncle-aunty tabbu se bade pyaar se mile. tabbu ne mujhe introduce karaayaa, "ye meraa room partner hai, uncle."

wo donon mujhase bhi bahut pyaar se mile.

aunty ne mujhase kahaa, "is par bahut museebatein guzarin hain. isakaa hameshaa khayaal rakhanaa."

mainne haan mein sar hilaayaa.

ham khade hi the.

uncle ne poochhaa, "kab aaye? kahaan thahare ho?"

tabbu ne kahaa, "aaj subah aaye hain. hotel mein thahare hain."

aunty chaunkeen, "are, tujhe to seedhe yahin aanaa chaahiye thaa."

uncle ne kahaa, "jaa. jaa kar saamaan laa. jab tak hai, yahin rahanaa."

aunty ne kahaa, "haan, betaa."

aunty ne car ki chaabhi nikaal kar di, "car bhi chhod aanaa. yah bekaar khadi rahati hai. kuchh to chale."

main rented car le gayaa. tabbu uncle ki car le gayaa.
---

ham donon uncle ki car mein saamaan le kar waapas aaye. uncle-aunty ne apane bete kaa room theek kar diyaa thaa. hamane saamaan usamein rakhaa.

aunty coffee naashtaa banaa kar laaeen.

uncle ne poochhaa, "idhar kyaa kaam nikalaa?"

tabbu ne bataayaa, "uncle. bhayyaa kaa kuchh paisaa aayaa hai. ham bhayya ke naam par ek anaathaalay kholanaa chaahate hain. sochaa ki bhayyaa ke shahar mein kholanaa hi theek rahegaa."

uncle-aunty khush ho gaye.

unlce bole, "great, yaar. aaj kal ke ladake aisaa kahaan sochate hain?
sab paise kamaane mein lage rahate hain."

aunty ne kahaa, "ab dekh. hamaare paas hi ye badaa saa bangalaa hai. itanaa paisaa hai ki agali saat peedhiyaan aaraam se baith kar khaa sakein, par iklautaa betaa jaa kar amaricaa bas gayaa hai, aur agali saat peedhiyon ko baith kar khilaane kaa paisaa jamaa kar rahaa hai. hamein usaki fiqr lagi rahati hai. use hamaari fiqr lagi rahati hai."

uncle kuchh sochane lage.

tabbu ne kahaa, "mainne kahaa to thaa ki aap donon ko bhi wahin shift ho jaanaa chaahiye."

aunty ne kahaa, "ye to jaane ko tayyaar hain par meraa man nahin maanataa. 50 saal ho gaye hain jab shaadi ke baad mein is ghar mein aaee thi. aur phir us ajanabi mahaul mein kaise adjust honge?"

uncle bole, "tabbu. main ek suggestion detaa hoon, gaur karanaa. ham log bete ke paas US shift kar jaate hain. kyon na tum yahi banglow khareed lo aur is par hi anaathaalay banaao. pitaaji ne itani mazboot neenv daali hai ki chaar manzil to aaraam se banaayaa jaa sakataa hai. aur phir Narendra ne aakhiri saans yahin lee thi. isase zyaadaa waajib jagah aur koi nahin ho sakati."

tabbu ne kahaa, "uncle ye to aapakaa ehasaan hai ki aap ye jagah de rahe hain. jo qeemat boliye main dene ko tayyar hoon."

uncle bole, "market price 50 laakh hai. too jo chahe, de de. ham ise kamaane ke liye nahin bech rahe hain. bas ek waadaa kar ki is bangale ko tudawaayegaa nahin. pitaaji ne ise banaayaa thaa. main to yahin paidaa huaa hoon. kabhi-kabhi aa kar dekh jaayaa karenge. kam se kam ham donon ke marane tak ise aisaa hi rakhanaa. hamaare baad jo
chaahein kar. bete ko isase koi moh nahin hai."

tabbu ne kahaa, "main waadaa karataa hoon, uncle. 50 laakh kal de doongaa. ham oopar construction shuru karawaate hain. neeche kaa hissaa aapakaa hi rahegaa. jab tak chaahiye rahiye. jab aanaa ho aaiye."

aunty ko bilkul mazaa nahin aayaa thaa, bolin, "mujhe to amarica bilkul nahin bhaataa. main to nahin jaanaa chaahati."

tabbu ne kahaa, "phir kyon jaa rahi hain. aap donon yahin rahiye."

mainne kahaa, "haan, uncle. aap ek bete ki paas jaanaa chaahate hain. yahaan anaathaalay mein aapako saikadon bete-betiyaan milane waale hain."

tabbu ne kahaa, "aapane ek bete ko paal pos is qaabil banaayaa ki wo amaricaa jaa kar laakhon kamaa rahaa hai. ab in anaath bachchon ko is qaabil banaaiye ki wo izzat se kuchh kamaa-khaa sakein."

mainne kahaa, "ham donon abhi chhote hain. ham abhi duniyaadaari nahin samajhate hain. hamein is kaam ko anjaam dene ke liye aapake maargdarshan ki zaroorat padegi."

tabbu ne kahaa, "aur aap khud bhi jaanate hain ki hamein aap jaisaa imaandaar insaan nahin mil sakegaa. aapane bhayya ke ek-ek saamaan ko itani mehanat se police se bachaayaa, aur phir sambhaal kar rakhaa aur mujhe diyaa."

uncle-aunty ki aankhon mein khoob saari CFL jalane lage the.

aunty ne kahaa, "theek hi to kah rahe hain. kyaa karanaa hai apani jad se ukhad kar us ajanabi duniyaa mein jaa kar. wahaan par buddhon ki bilkul izzat nahin karate hain. yahi rah jaao naa."

uncle ne haan mein sar hilaayaa, bole, "phir to main tujhase is bangalow ke paise bhi nahin loongaa. is kaam ke liye ek trust banaa dete hain. hamaare paas 2 karod rupaye hain. un paison ko aur is bangale ko too is kaam mein hamaari taraf se daan samajh le."

ham donon bhauchakke unhein dekh rahe the. par un donon ke chehare par ek roohaani sukuun thaa.

tabbu ne kahaa, "theek hai uncle. main bhi bhayyaa kaa saaraa paisaa isi trust mein daal detaa hoon. aap trustee baniye."

uncle bole, "good decision. phir tax bhi bach jaayegaa. main legal aspects dekh letaa hoon. Narendra kaa kitanaa paisaa aayaa hai?"

tabbu ne kahaa, "uncle, aap sound-proof room, un cameron aur microphone ke baare mein jo kah rahe the, shaayad wahi sahi thaa. bhayyaa shaayad pornography mein the. isiliye ham un paise ko nahin rakhanaa chaahate hain aur kisi achchhe kaam mein lagaanaa chaahate hain. teen karod rupayaa aayaa hai aur mujhe lagataa hai ki abhi aur bhi aataa rahegaa. aapako buraa to nahin lagegaa aise paise se bani organisation se jud kar."

Hmm. to room sound-proof bhi thaa. wall-papers camere aur microphones ke saath sound-proof design bhi chhupaane ke liye lagaaye gaye the.

uncle soch kar bole, "nahin betaa. paise kaa rang nahin hotaa. aur phir itanaa badhiyaa istemaal to kisi bhi paise ko izzat de degaa. shaayad Narendra kaa qatl bhi us kaam yaa us paise ki khaatir hi huaa hogaa."
---

uncle ne mujhase poochhaa, "tum kyaa karate ho?"

mainne bataayaa. yah bhi bataayaa ki mainne yahin se BE kiyaa hai. yah bhi bataayaa ki yahaan koi naukari dhoondhoongaa.

uncle ne kahaa, "mere bahut contacts hain. kaho to kal hi tumhaari naukari lagaa doon. par main sochataa hoon ki doosare ki naukari karane ki jagah tumhein apanaa hi koi business karanaa chaahiye. internet, phone ke zamaane mein office aane-jaane kaa time kyon waste karoge? yahin rah kar apane home office se hi operate karo. America ki kaee companies apane kaam india mein subcontract kar rahi hain. bahut kaam hai. tum jitanaa kar sako utanaa mil jaayegaa. meraa betaa wahaan se coordinate kar degaa."

sab khush ho gaye.

aunty uthin, "bataao kyaa khaaoge."

mainne aunty se kahaa, "aunty aaj to rahane dijiye. aaj main tabbu ko apane college ke dinon ki yaadein taazaa karaane le jaa rahaa hoon. khaanaa wahin khaayenge. kal se yahin khaayenge."
---

dinner par main tabbu ko binaa kuchh bataaye usi restaurant mein le gayaa jahaan main pahali baar apane chaand se milaa thaa.

mainne tabbu ko baahar khadaa kiyaa, aur restaurant ke andar jaa kar manager se baat kari.

mainne kahaa, "hamein us waali table par hi dinner lenaa hai."

mainne sau kaa ek note nikaal kar manager ko diyaa.

manager ne jaa kar us table par baithe logon ko kuchh bol kar doosari table par shift kar diyaa. table saaf kar di gayi.

main tabbu ko bheetar laayaa. ham usi table par baithe. wo mere chaand ki jagah baithaa thaa. main usake saamane baithaa thaa.

waiter aayaa. mainne wahi sab order kiyaa jo us raat mere chaand ke liye aayaa thaa.

waiter ne kahaa, "baaki log kab tak aayenge?"

mainne hans kar kahaa, "too to le aa. wo aate rahenge."

tabbu aaraam se muskuraa rahaa thaa.

tray par tray bhar kar khaanaa aayaa. waiter rakhane lagaa to mainne use rok diyaa.

mainne har dish se thodaa-thodaa nikaal kar tabbu ki aur meri plate mein rakhaa, aur waiter se kahaa, "ise gareebon mein baant denaa."

usane muskuraate huye salaam kiyaa, bolaa, "sir, ham logon se zyaadaa gareeb kaun hogaa? ham aap sabako ye sab tar maal serve karate hain, par hamaare liye alag se bekaar saa khaanaa banataa hai. kahein to ham hi khaa lein?"

mainne haan bolaa.

wo salaam bolataa huaa chalaa gayaa. usane manager se jaa kar kuchh bolaa. manager ne aashcharya se meri taraf dekhaa. mainne haan mein sar hilaayaa. manager ne waiter ko jaane diyaa.

tabbu muskuraataa jaa rahaa thaa. use lag gayaa thaa ki use koi badi baat pataa chalane waali hai.

mainne aur tabbu ne khaanaa khaayaa.

ham bill de kar baahar nikal kar car mein baithe.

tabbu ne bol, "yaar, main suspense se maraa jaa rahaa hoon. ab bataa bhi de."

mainne kahaa, "main isi restaurant mein, isi table par, aise hi dinner par us ladake se milaa thaa jisake saath mainne ek raat sex kiyaa
thaa."

wo khoob hansaa, khoob hansaa, khoob hansaa.

main bhi hansaa. par meraa dil ro rahaa thaa.

aas paas se guzarate log ham donon ko car mein baithe hansate dekh kar hansane lage.

mainne car badhaaee. us jagah le jaa kar roki. mainne tabbu se bolaa, "mainne use yahaan se pick kiyaa thaa."

wo hansaa. wo car se utar kar wahaan jaa kar khadaa ho gayaa.

main car chalaa kar laayaa, aur usake paas rok di. khidaki se sar nikaal kar bolaa, "lift?"

usane muskuraate huye kahaa, "tumhein der to nahin hogi?"

mainne muskuraate huye kahaa, "hostel mein rahataa hoon."

wo aa kar mere bagal mein baith gayaa. mainne car badhaa di.

ham donon hans rahe the.

mainne kahaa, "haan, us waqt car nahin, bike thi."

usane kahaa, "wo tere peechhe baithaa hoga."

mainne kahaa, "haan."

usane kahaa, "wo peechhe se tere se chipat gayaa. usane teri kamar par haath rakh diye. phir usake haath teri jaanghon par pahunch gaye, phir usane tere lund ko dabaayaa aur paayaa ki teraa lund khadaa ho chukaa thaa. usakaa khadaa lund tere hips par chubh rahaa thaa."

mainne kahaa, "agar usane aisaa kuchh bhi kiyaa hotaa, to main use yahin utaar kar khoob peetataa aur gaaliyaan de kar bhagaa detaa. main koi gaandoo thode hi thaa."

ham donon khoob hanse.

phir mainne kahaa, "us raat banaa thaa."

usane siskaari bharate huye kahaa, "yaar. jaldi bataa naa."

mainne bataayaa, "mainne use usake room par drop kiyaa. usane kahaa,'aao room dekh lo. aate rahanaa.' main gayaa. hamane do-do peg liye. phir main tunn ho gayaa. mainne usaki pant khol kar usakaa lund choosaa. phir usane meri gaand maari. phir ham donon nange ek saath nahaaye. nahaate samay usane meraa muth maar kar jhaadaa. phir ham donon so gaye."

tabbu ne bolaa, "tera dil nahin kiyaa usake karane ka."

mainne kahaa, "huaa thaa. aaj bhi hotaa hai. kahin mil jaaye to main use beech chauraahe par patak kar chod daaloon."

tabbu hansaa. main bhi hansaa.

tabbu ne bolaa, "waah saale. usake liye top, mere liye bottom."

mainne kahaa, "aur kyaa. wo meraa pahalaa pyaar thaa."

main ise kyaa bataataa ki wo meraa aakhiri pyaar bhi thaa.

tabbu ne bolaa, "ab to mujhe pyaar karataa hai naa?"

mainne haan mein sar hilaayaa.

main ise kyaa bataataa ki main ise kaisaa pyaar karataa thaa.

use chain aayaa.

usane poochhaa, "phir subah ek round aur huaa?"

mainne bataayaa, "nahin. subah main use sotaa chhod kar bhaag gayaa. aur phir wahaan kabhi nahin gayaa."

meri aawaaz mein yaadon kaa geelaapan aa gayaa thaa. usane notice kiyaa aur hansanaa band kiyaa.

usane kahaa, "bahut miss karataa hai use?"

mainne haan mein sar hilaayaa.

usane kahaa, "bahut khoobsoorat thaa wo."

mainne kahaa, "tujhase zyaadaa khoobsoorat to nahin thaa."

wo khush ho gayaa. bolaa, "magar, saalaa, thaa to qismatwaalaa. seal-pack maal hadap gayaa, aur tujhe kuchh karane bhi nahin diyaa."

mainne kahaa, "wo kahaan qismatwaalaa thaa? qismatwaalaa to main thaa."

tabbu bolaa, "ghar chal. aaj usi scene ki phir se shooting karate hain."

ham donon uncle ke ghar gaye.

mainne car gate ke baahar roki.

wo utar kar gayaa aur usane gate kholaa.

phir usane bolaa, "aao, room dekh lo. aate rahanaa."

ham donon khoob hanse.
---

us raat hamane usi sab ko yaad karate huye dhuaandhaar sex kiyaa.

aur phir mainne use apani chaand-raat ke aadhe hisse ke baare mein sab kuchh us eklaute shakhsh ko bataayaa jo mere chaand ke dil mein thaa.

shaabir kumar ki night. dost ke saath restaurant mein jaanaa. chaand ke dost. chaand ko usi leather jacket mein dekhanaa. usakaa mujhe dekhanaa. ham logon ki baatein. bill de kar dost to chhodane jaanaa. waapas aa kar bike uthaa kar jaanaa. chaand ko lift denaa. usake room jaanaa. daaroo peenaa. mast honaa. usakaa lund choosanaa. usakaa meri gaand maaranaa, usake saath nahaanaa. usakaa mujhe sulaa denaa.

ye sab sunate-sunate tabbu poori tarah thiluwaaee ke mood mein aa gayaa thaa. wo mujhe chidhaa rahaa thaa. mujhase ek-ek baat khod-khod kar poochh rahaa thaa. mainne bhi use ek-ek baat bataa kar achchhi tarah khush ho lene diyaa.

tab usane kahaa, "aur jab teri aankh khuli, to wo so rahaa thaa. teraa nashaa utar chukaa thaa. toone kapade pahane aur use binaa bataaye bhaag gayaa."

mainne kuchh nahin kahaa. usake interpretation mein galatiyaan theen, par wo aisaa hi samajhate rahe to behatar thaa.

wo mujhe "phattoo, chootiye" wagairah kahataa rahaa.
---

wo so gayaa.

aur main us raat ke baaki hisse ko apane man mein baar-baar replay kar ke saari raat jaagataa rahaa.